yawropa ittipaqi ximiyewi qorallarni yasighuchilargha émbargo qoyushni qarar qildi

türkiye awazi radiyosi xewiri: yawropa ittipaqi ximiyewi qorallarni yasighan we ishletken yaki bulargha küch chiqarghan shexs we shirketlerge  émbargo qoyushni qarar qildi.

liyuksémburgqa yighilghan yawropa ittipaqi tashqi ishlar komitéti ezalirining ximiyewi qorallarning yéyilishigha yantayaq bolghuchilargha émbargo qoyushni qarar qilghanliqi bildürüldi.

kéngesh teripidin bu heqte élan qilinghan bayanatta, ximiyewi qorallarning dunyagha téz sürette yéyilishi sewebidin émbargo qararining chiqirilghanliqi eskertildi.

ximiyewi qorallarning yaslishini iqtisad we téxnika jehettin qollighan shexs yaki orunlargha émbargo qoyulidighanliqi bildürüldi.

yéngi émbargolar dairiside  ximiyewi  qorallarning yasilishigha chétilghan shexs we shirket mesullirigha sayahet cheklimisi qoyulghandin sirt, ularning mal-mülükliri tonglitilidu.