rusiye natogha naraziliq bildürdi
rusiye shimaliy atlantik ehdi teshkilati-natoning herbiy manéwir ötküzüsh pilanigha naraziliq bildürdi.
türkiye awazi radiyosi xewiri: rusiye shimaliy atlantik ehdi teshkilati-natoning bu ayning axirida ötküzüshni pilanlighan « Trident Juncture 2108»namliq herbiy manéwirgha naraziliq bildürdi.
rusiye tashqi ishlar ministirliqi bayanatchisi mariya zaharowa: rusiye bixeterlikini qoghdash üchün tégishlik tedbirlerni alidu, dédi.
zaharowa nato ötküzmekchi bolghan herbiy manéwir toghrisida yazma bayanat élan qildi.
norwégiyening amérika déngiz armiyesi eskerlirini zéminigha orunlashturushini «dostlar qilidighan ish emes»dep teripligen zaharowa, rusiye chégralirida 30din artuq dölettin 40mingdin artuq esker qatnishidighan herbiy manéwirning, natoning norwégiye tarixidiki eng keng kölemlik herbiy manéwir bolidighanliqini eskertti.
zaharowa natodiki küchlük döletlerning rusiye chégrasidiki herbiy nopuzini kücheytiwatqanliqlirini eskertip: natoning bu paaliyetlirige sel qarashqa bolmaydu, rusiye bixeterlikini qoghdash üchün tégishlik tedbirlerni alidu, dédi.
natoning « Trident Juncture 2018»namliq herbiy manéwiri norwégiyede bu yil 25-séntebirde bashlaydu.
nato bash katipi jéns stolténbérg bu qétimqi herbiy manéwirning yéqinqi mezgillerde ötküzülgen eng keng kölemlik herbiy manéwirlardin biri bolidighanliqini bildürdi.
bu qétimqi herbiy manéwirning «mudapie meqsetlik» bolidighanliqini éytqan stolténbérg, herbiy manéwirgha 31 dölettin texminen 45 ming esker, 150 ayropilan, 60paraxot bilen 10mingdin artuq herbiy mashina qatnashturulidighanliqini éytti.
