floréns quyuni amérikigha éghir palaket élip keldi
amérika qoshma ishtatlirining sherqiy sahillirini tesiri astigha alghan floréns quyunida qaza qilghanlar sani 17 ge yetti.
türkiye awazi radiyosi xewiri: alaqidar emeldarlar, quyun peyda qilghan su apiti we küchlük shamalning shimaliy karolinada 11, jenubiy karolinada 6 kishining jénigha zamin bolghanliqini uqturdi؛ hayatidin ayrilghanlarning eng axirqisining 3 ayliq bir bowaq ikenliki qeyt qilindi.
quyun yüzisidin köp sanda öy – makanni su basti.
munasiwetlik orunlar, shimaliy we jenubiy karolina ahalisini toyuqsiz yüz bergüsi su bésip kétish weqelirige qarita sezgür turushqa chaqirdi.
shimaliy karolinadiki keyp féir deryasidiki suning barghanche köpiyiwatqanliqi, bir – ikki kün ichide téship kétish éhtimali barliqi, shunga derya boyidiki 2800 öyni tarqaqlashturush kérekliki qeyt bildürüldi.
shimaliy karolinaning wilmington shehiride shiddetlik boran chiqip del – derexler örüldi, köp sanda öy – makan su astida qaldi, shupurlarmu su bésip ketken yollarda éghir qiyinchiliqlargha uchridi.
sheher saqchiliri, bir talla baziri bilen bir may iskilatini bolighanliqi perez qiliniwatqan 6 kishining nazaret astigha élinghanliqini uqturdi.
quyun sewebidin ikki mingdin artuq ayropilan sepiri emeldin qalduruldi.
10 milyon ademge tesir körsitish éhtimali bolghan quyunning 170 milyard dollar iqtisadiy ziyan élip kélish mumkinchiliki barliqi texmin qilinmaqta.
