israiliyening demeshiq xelqara ayrodurumigha hujum qilghanliqi ilgiri sürüldi

türkiye awazi radiyosi xewiri: esed hakimiyiti xewer agéntliqi – sana, herbiy emeldarlarni menbe qilghan halda tarqatqan bir xewiride, paytext sherqiy qismidiki demeshiq xelqara ayrodurumining israiliyening bashqurulidighan bomba hujumigha uchrighanliqini ilgiri sürdi.

xewerde, «hawa mudapie sistémilirimiz israiliyening demeshiq ayrodurumigha qilghan hujumini bitchit qildi we bezi bashqurulidighan bombilarni yoqitip tashlidi» dégenler ibarilerge orun bérildi.

israiliye terep bu heqte héchqandaq bayanat bermidi.

esed hakimiyiti, 4 – séntebirde israiliye urush ayropilanlirining döletning ottura qismigha jaylashqan hama we gherbiy qismigha jaylashqan tartus wilayetliridiki bezi herbiy rayonlargha hawadin hujum qilghanliqini ilgiri sürgenidi.

israiliye, yéqinqi bir qanche aydin buyan süriyening humus, kuneytra, déra we demeshiq wilayetliridiki hakimiyet we uning hamisi irangha tewe herbiy rayonlargha qarshi herxil hujumlarni qozghap kelmekte.