ruslarning gén melumatliri dölet siri qatarigha kirgüzülidighan boldi
rusiyede xelqning gén melumatliri asasida düshmen küchlerning biologiyelik qoral ishlepchiqirish xewpige qarshi qanun özgertish teklipi sunuldi.
türkiye awazi radiyosi xewiri: rusiye salametlikni asrash we istémalchilarni qoghdash idarisi bashliqi anna popowa rusiyeliklerning gén melumatlirining qoghdilidighan dölet siri qatarigha kirgüzülidighanliqini élan qildi.
anna popowa ilgiri xususiy melumatlarning isim – famile, dadisining ismi we barmaq izliridin ibaret bolghanliqini eskertip, «bügünki künde méning génim heqqidiki melumatlarningmu méning xususiy melumatim ikenlikini tilgha almaqtimiz. undaqta bu melumatlarni qan hüjeyrilim arqiliq gén shiprisini chiqirishi mumkin bolghan üchinchi kishige emes, manga bérishingiz lazim» dédi.
bu heqte siputnik teripidin élan qilinghan xewerde, anna popowa yene, qanun özgertish teklipining alaqidar organlarning testiqidin ötkenlikini we qisqa waqit ichide parlaméntqa sunulidighanliqini éytqanliqi uqturuldi.
rusiye pirézidénti wiladimir putin öktebir éyidiki bayanatida, bezi chet elliklerning chüshüniksiz sewebelerni körsitish arqiliq oxshash bolmighan étnik guruppilargha tewe rusiye puqralirining biologiyelik melumatlirini toplighanliqini élan qilghan we bu mesile rusiye xelqi arisida qattiq ghulghula qozghighan idi.
rusiye fédératsiyesi kéngishi, dölet mudapie we xewpsizlik komitéti muawin bashliqi firantis klintséwichmu oxshash bolmighan rayonlarda turushluq ruslarning biologiyelik melumatlirining gherb küchliri teripidin tesiri ötküz biologiyelik qoral ishlepchiqirish meqsitide toplanghanliqini tilgha alghan idi.
