kataloniye xelqi musteqilliq üchün yighildi

türkiye awazi radiyosi xewiri: ispaniyening barsélona shehiride texminen 1 milyon adem, kataloniyening milliy bayrimi «la diyada» (La Diada)ni tebriklesh üchün yighildi.

kataloniyening 1714-yili 11-séntebirde ispaniyening kontrolluqi astigha kirishi xatirlengen diyada küni,  bu yil musteqilliqni yaqlighuchi kataloniyeliklerning musteqilliq teleplirini küntertipke élip kelgen künge aylandi.

tebriklesh murasimida söz qilghan kataloniye aptonom hakimiyiti bashliqi kiyum torra erkinlik telep qilidighanliqini dégen bolsa, meydanlargha yighilghan kataloniyelikler musteqilliqni telep qilip shoarlar towlashti.

sheherdiki eng chong kocha bolghan diyagonalda 6 yérim kilométir öchret shekillendürgen kataloniyelikler, «kataloniye jumhuriyiti»dégen xet yézilghan maykilarni kiyishti.

özige xas medeniyiti we tili bolghan kataloniye, mustebit firankisko firanko ölüp 3 yil ötkendin kéyin 1978-yili tüzülgen asasiy qanun dairiside aptonom rayonluq salahyitige ige boldi, 2006-yilgha kelgende qanungha tüzitish kirgüzülüp téximu köp hoquqqa érishti.

ispaniye asasiy qanun mehkimisi 2010-yili ispanche ornigha katalonchigha ehmiyet bérishni we kataloniyeliklerni millet süpitide étirap qilishni mezmun qilghan qanun maddisini bikar qilishi netijiside, musteqilliq talash-tartishliri keskinleshti.

1-öktebirde ötküzülgen we ispaniye asasiy qanun mehkimisi teripidin qanunsiz élan qilinghan musteqilliq ray sinash paaliyitidin kéyin, kataloniye parlaménti 27-öktebirde öz aldigha musteqilliq élan qildi.

buninggha qarita ispaniye merkizi hökümet kataloniye hökümitini tarqitiwétip kataloniyeni biwaste bashqurushqa bashlidi, ispaniye sot mehkimiliri bolsa bezi kataloniye hökümitini qolgha élishni qarar qildi.

bultur 21-dékabirda ötküzülgen baldur saylamda musteqilliqni yaqlaydighan partiyeler utup chiqip musteqilliq nishani bilen hökümet qurup chiqti.