b d t idlib toghrisida agahlandurush élan qildi
b d t süriyening idlib shehiride 21-esirdiki eng chong yoqitishlarning yüz bérish mumkinliki toghrisida agahlandurdi.
![b d t idlib toghrisida agahlandurush élan qildi](http://cdn.trt.net.tr/images/xlarge/rectangle/f279/8912/ce42/5b9774d10574c.jpg?time=1719354150)
türkiye awazi radiyosi xewiri: b d t insanperwerlik ishlirigha mesul bash katip yardemchisi mark lowkok b d t ning jenwediki ishxanisida axbarat élan qilish yighini ötküzdi. u: «idlibte kéyinki aylarda eng nachar insaniy balayi-apetler we 21-esirdiki eng chong insaniy yoqitishlar yüz bérishtin burun mesililerni hel qilish yolliri tépilishi lazim. hemmimiz idlib üchün jiddiy haletke öttuq, idlib xelqi üchün bu waqitning qanchilik xeterlik ikenlikini tekitlimekchimen» dédi.
u idlibte texminen 4 milyon kishining yashaydighanliqini, bularning 2 milyonining insanperwerlik yardemlerge éhtiyajliq ikenlikini bildürüp, sheherde puqralarning keng kölemde ölüp kétishini qobul qilghili bolmaydighanliqini we idlibte yüz bérish éhtimali bolghan köch dolqunigha qarshi tepsiliy pilanlarning barliqini éytti.
u idlibqa keng kölemde hujum qilinghan ehwalda 800 ming kishining köchüshke mejbur bolidighanliqini, dunya yémek-ichmek pirogrammisining ambarlirida 850 ming kishige bir hepte yétidighan yémek-ichmek barliqini eskertti.
u puqralarning top-top halda idlibning oxshimighan jaylirigha qarap köchüsh éhtimaligha qarshi teyyarliq qilghanliqlirini؛ bu dairede, ötken hepte beshshar esed hakimiyiti we süriye qizilay jemiyiti bilen körüshkenliklirini qeyt qildi.
b d t bash katipi bayanatchisi stéfan dujarik kündilik axbarat élan qilish yighinida bolsa, toqunushlar künséri ulghiyiwatqan idlibtiki 2 milyon kishining ehwalidin we bixeterlikidin endishe qiliwatqanliqlirini bildürdi.
dujarik idlib we süriyening ottura qismidiki hama sheherliride künséri éshiwatqan hujumlarda nurghun kishining jénidin ayrilghanliqini, 1-séntebirdin 9-séntebirgiche hawa hujumliri qilinghan rayonlarda 30 mingdin artuq kishining öy-makanliridin ayrilishqa mejbur bolghanliqini eskertti.
u öy-makanliridin ayrilghan kishilerning idlibning shimalidiki türkiye chégrasigha yéqin jaylargha köchkenlikini, rayongha türkiye arqiliq insanperwerlik yardemlirining yetküzülüwatqanliqini qeyt qildi.
u süriyede barliq tereplerge puqralar we ammiwi ul-eslihelerni qoghdash üchün kéreklik tedbirlerni élishqa chaqirdi.