rusiye we esed ayropilanliri idlibni bombardiman qilmaqta
beshshar esed hakimiyiti we rusiyege tewe ayropilanlar idlib we hama wilayetlirini bombardiman qildi.
türkiye awazi radiyosi xewiri: beshshar esed hakimiyiti bilen rusiye ayropilanliri süriyening gherbiy shimaligha jaylashqan idlib we ottura qisimdiki hama wilayetlirige hawadin hujum qozghap 17 ademni yarilandurdi.
yerlik menbeler, rusiye we esed hakimiyitige tewe urush ayropilanlar bilen tikucharlarning, bügün etigendin bashlap idlibning jenubidiki habit, jerenaz, hish, temeniya we hamaning latamne rayonlirini bombardiman qiliwatqanliqlirini bildürdi.
hujumda 17 adem yarilanghan bolup, bularning ichide 2 bala bar iken.
xelq mudapie mudiri mustafa hej yusuf: etigendin bashlap dawamlishiwatqan hujumlarda köp qismi ayal we bala bolup jemiy 17 adem yarilandi, dédi.
öktichilerge tewe ayropilan közitish mesulliri hujumlar toghruluq ijtimaiy taratqudiki adréslirida uchur yazdi. uchurda mundaq déyildi: «himéymin herbiy bazisidin qozghalghan rusiye urush ayropilanliri we esed hakimiyitige tewe tikuchalar hama we idlibning jenubidiki turalghu jaylar we öktichilerning tizgini astiki bazilargha hujum qozghidi. jerenaz rayonidiki mektep esed ayropilanliri teripidin bombardiman qilindi.»
urush ayropilanliri we tikucharlarning hawa hujumliri dawamlashmaqta.
xelq mudapie merkizining bildürüshiche, bu ayning béshidin bashlap idlibning gherbiy, gherbiy jenubiy we hamaning shimaligha qilinghan hujumlarda 29 adem ölüp 71 adem yarilanghan, hamaning keperzita rayonidiki bir xelq mudapie merkizi bilen xas yézisidiki yer asti doxturxanisi we latamne yézisidiki bir doxturxana weyran bolghan.
süriyening gherbiy shimalida öktichiler bilen esed hakimiyitige qarshi qoralliq küchlerning tizgini astidiki idlib we etrapidiki bezi rayonlarning 2017-yili 4-maydin 5-mayghiche astanada chaqirilghan yighinda «sürkilishni peseytish rayoni»élan qilinishining eksiche, bu rayonlar rusiye urush ayropilanliri teripidin pat-pat bombardiman qilinmaqta.
