gutérs yadro sinaqlirini keng dairide cheklesh kélishimini ijra qilishqa chaqirdi

türkiye awazi radiyosi xewiri: bash katip gutérs b d t omumiy kéngishide ötküzülgen yilliq «xelqaraliq yadro qorallirini sinaq qilishqa qarshi küresh qilish küni» yighinida söz qildi.

u yadro qorallirini sinaq qilish we chekleshning arisida chüshinish qiyin bolghan munasiwetlerning barliqini bildürüp: «yadro sinaqliri köp boluwatqan qorqunchliq dewirde jénidin ayrilghanlarni xatirileymiz» dédi.

u yadro sinaqlirining muhit, insanlarning saghlamliqi, yémek-ichmek bixeterliki we iqtisadiy tereqqiyatqa qorqunchliq tesirlerni körsitidighanliqini eskertip, shunga, yadro sinaqlirigha qarshi qattiq tedbirlerning élinishi kéreklikini tekitlidi.

u shimaliy koréyening yolgha qoyulghan tedbirler we b d t xewpsizlik kéngishi qararigha qarimastin, yadro sinaqlirini dawamlashturuwatqanliqi üstide toxtaldi. u mundaq dédi:

«yadro sinaqlirini keng dairide cheklesh kélishimini baldurraq ijra qilish üchün her türlük tirishchanliqlar körsitilishi kérek. 20 yildin buyan muzakire qiliniwatqan bolsimu, kélishim téxiche ijra qilinmidi.»