gérmaniye: türkiye süriye mesiliside muhim rol oynawatidu
gérmaniye tashqi ishlar ministiri héyko maas türkiyening süriye mesilisidiki pozitsiyesining muhim rol oynawatqanliqini éytti.
türkiye awazi radiyosi xewiri: héyko maas axbarat élan qilish yighinida, 5 – 6 – séntebir künliri türkiyege qilidighan ziyariti heqqide toxtalghanda, ziyaritining asasliq küntertip maddisini süriyening idlib rayonining weziyiti teshkil qilidighanliqini tekitlep mundaq dédi: «biz idlibte insaniy palaketning aldini élish üchün qolimizdin kélishiche tirishchanliq körsiteimiz. derweqe, bu mushu hepte charshenbe we peyshenbe künliri türkiyege qilidighan ziyaritimning nahayiti muhim témisi bolidu.»
idlib mesiliside enqerening nahayiti muhim hemrah ikenlikini eskertken maas, mundaq dep körsetti: «türkiyening süriye mesilisidiki pozitsiyesi rusiye we beshshar esed hakimiyitining kelgüside tashlighusi qedemliri üchün muhim rol oynimaqta. derweqe, idlibning weziyiti nahayiti jiddiy bolup, herbiy mudaxile rayonni palaketke duchar qilidu.»
xizmet ziyariti dairiside tashqi ishlar ministiri mewlüt chawushoghlu bilen körüshidighan maasning jumhur reis rejep tayyip erdoghan we türkiye büyük millet mejlisi bashliqi binali yildirim teripidin qobul qilinishi kütülmekte.
igilinishiche, maasning türkiyede ishqa ashuridighan uchrishishlirida, türkiye – gérmaniye munasiwetliri, trning yawropa ittipaqigha ezaliqi basquchi, rayonluq we xelqaraliq mesililer muzakire qilinidiken. buningdin bashqa yene, maas istanbuldiki gérman toluq ottura mektipining 150 – yilliqi munasiwiti bilen 2018 – 2019 – yilliq oqu – oqutush yili bashlinish murasimigha qatnishidiken. murasimgha tashqi ishlar ministiri mewlüt chawushoghlumu ishtirak qilidiken.
