amérika wekili türkiye qatarliq döletlerde ziyarette bolidu
amérika qoshma ishtatlirining süriye alahide wekili bash elchi jeyms jéfféri 1 – séntebirdin 4 – séntebirgiche israiliye, iyordaniye we türkiyede ziyarette bolidu.
türkiye awazi radiyosi xewiri: amérika qoshma ishtatliri tashqi ishlar ministirliqi muawin meslihetchisi joél rayburnmu ziyaritide jéfférige hemrah bolidu.
melumatlargha qarighanda, jéfférining israiliye dairiliri bilen élip baridighan uchrishishlirida, süriyediki özgirishler, israiliyening bixeterliki we iranning muqimsizlashturghuchi qedemliri qatarliq mesililer heqqide söhbet élip bérilidiken.
amérika qoshma ishtatliri teripidin bu heqte élan qilghan bayanatida, « süriye hökümiti ximiyelik herbiy heriket élip barghan teqdirde, amérika qoshma ishtatliri buninggha qarap turmaydu» déyildi.
bayanatta, süriye hökümiti idlibke herbiy heriket élip barghan teqdirde, süriye we rayonning weziyitining téximu yamanliship kétidighanliqi hemde puqrawi ölümlerning téximu köpiyip kétidighanliqi tekitlendi. bayanatta yene, jéfféri bilen rayburnning, «süriye kirizisining tesirige uchrighanlargha méhir - shepqet yetküzüshte türkiye bilen iyordaniyening rehberlikini teqdirleshke erziydu» dégenliki qeyt qilindi.
amérika qoshma ishtatlirining süriye alahide wekilllikige teyinlengen sabiq enqere bash elchisi jeyms jéfféri 17 awghust küni qesem bérip wezipe öteshke bashlighanidi.
