birma bangladéshtin arakanliq musulmanlarni «birma puqrasi»dep atimasliqni telep qildi
birma hökümiti bangladésh dairliridin arakanliq musulmanlarni «birma puqrasi»dep atimasliqni telep qildi.
türkiye awazi radiyosi xewiri: birma hökümiti bangladésh hakimiyitidin arakanliq musapirlarni «birma puqrasi»dep atimasliqni telep qildi.
bangladésh musapirlargha yardem we ul –eslihe qurulushliri komitéti ezasi muhemmed ebul qalam, birma dairlirining bangladésh hökümitidin musapirlar kimlikide arakanliq musulmanlar üchün «köchke qistalghan birmaliq puqralar»dégen ibarining ornigha «arakan ölkisidin köchüp kelgen kishiler»dégen ibarini ishlitishni telep qilghanliqini éytti.
ötken hepte birmani ziyaret qilghan bangladésh tashqi ishlar ministiri mehmud eli yétekchilikidiki heyetke birma hökümitining bu telepni yetküzgenlikini éytqan qalam: tashqi ishlar ministirliqi bu mesilide eng axirqi qararni chiqiridu. bizge bu heqte hazirghiche birer yolyuruq chüshmidi, dédi.
ministir eli we hemrahliqidiki heyetning birma ziyariti bultur awghustta bashlighan köchmenler dolqunidin buyan élip bérilghan tunji resmiy ziyaret hésablinidu.
buningdin sirt insan heqliri közitish teshkilati bangladésh hökümitining birma dairlirining telipini qobul qilghanliqini ilgiri sürdi.
insan heqliri közitish teshkilatining musapirlar heqliri ishxanisi bashliqi bil frélik: musapirlarning kimlikidiki bir ikki ibarini özgertish adettiki ishtek binlsimu, birmada étnik qirghinchiliqtin qachqan 700ming arakanliq musulmanlargha nisbeten tolimu chong ishtur, dédi.
frélik sözini dawamlashturup mundaq dédi: «bu ehwal birmaning arakanliq musulmanlargha puqraliq salahiyiti bérish niyitining yoqliqini we ularning yurt-makanlirini tashlap kétishilirige seweb bolghan jinayet, basqunchiliq, bulang-talang qatarliq éghir jinayii qilmishlirini inkar qilghanliq bolidu.»
