ruminiyede hökümetke qarshi namayish ötküzüldi
ruminiyening paytextide hökümetning chiriklikige qarshi keng kölemlik namayish ötküzüldi.
türkiye awazi radiyosi xewiri: ruminiyede 10-awghustta bashlighan chirikilikke qarshi namayishlar üchinchi künige qedem qoydi.
paytext bükreshte «diyaspora yighilishi»nami astida jem bolghan namayishchilar bügün hökümet binasi aldidiki zeper meydani we rominiyening nurghun shehiridiki meydanlargha yighilip namayish ötküzmekte.
namayishchilar «hökümet istépa bersun, keynimizge qaytmaymiz, ular hakimiyettin chüshmigüche biz öyimizge qaytmaymiz»dégen mezmunda shoar towlashti.
köp qismi chet elde yashaydighan we tetil munasiwiti bilen dölitige qaytqan romenlerdin teshkil tapqan minglarche namayishchi paytext bükreshte, hökümet teripidin teyyarlanghan edliye sistémisini islahat qilishni mezmun qilghan teklip layihesi bilen chiriklik qilmishigha chétilghan bezi siyasetchilerningmu hökümet sépidin orun élishi sewebidin hakimiyet béshidiki démokratchilar partiyesini tenqid qilishti.
namayishlarning tunji künide exlet sanduqlirigha ot qoyup hökümet binasigha kirishke urunghan namayishchilargha yash aqquzush bombisi étilghandin kéyin texminen 500 namayishchi doxturxanigha yatquzuldi, 5 zhanadama xadimimu namayishlarda yarilanghanliqtin balinistqa élindi.
