süriyening dera ahaliliri yene köchüshke mejbur boldi

türkiye awazi radiyosi xewiri: süriyening gherbiy shimaligha jaylashqan dera nahiyeside qoralliq öktichiler bilen rusiye arisida kélishim hasil qilinghandin kéyin, beshshar esed hakimiyiti bilen muresselishishni qobul qilmay rayonni tashlap kétishke mejbur bolghanlarni élip mangghan aptomobillar süriyening shimaligha yétip keldi.

deraning jasim nahiyesidin tünügün kechte qozghalghan aptomobillar, bügün etigendila idlib we helebning gherbige jaylashqan yézilardiki waqitliq turalghu jaylargha yétip keldi.

qoralliq öktichilerni we yerliklerni élip mangghan 10 aptomobilda 94i ayal, 162i bala bolup jemiy 452 kishi bar idi.

deradin idlib we heleb rayonlirigha tarqaqlashturulghanlarning sani 3300din ashti.

hakimiyet we qollighuchiliri rusiyening yardimi arqisida bu yil 20-iyunda deragha hujum qozghidi. rusiye bilen qoralliq öktichiler 6-iyulda süriyening jenubigha jaylashqan rayonlarni öz ichige alidighan teriqide oq chiqirishni toxtitish kélishimi hasil qildi.

kélishim hasil qilinghandin kéyin deradin 15-iyul nurghun ahale köchüshke bashlidi.