gérmaniye ashqun ongchil guruppilirining «düshmen» tizimlikliri
gérmaniye ashqun ongchil guruppilirining minglarche kishini öz ichige alghan «düshmenler tizimlikliri» ni turghuzghanliqi otturigha chiqti.
türkiye awazi radiyosi xewiri: melumatlargha qarighanda, zorawanliqqa mayil ashqun ongchil guruppilarning «düshmenler tizimlikliri» ge, téléfon nomurliri we adrésliri bilen birlikte 25 mingdin artuq kishi kirgüzülgen.
« DW» ning gérmaniyediki bezi gézitlerde élan qilinghan we hökümetning sol partiyening soallirigha bergen jawablirini menbe körsitip xewer qilishiche, gérmaniye saqchiliri 2011 - yildin buyan ashqun ongchil sotsiyalist yer asti térrorluq teshkilatini tekshürüsh jeryanida 10 ming kishilik «düshmenler tizimlikliri» ni qolgha chüshürgen, bolupmu «nordkréuz» namliq ashqun ongchil gurupppini tekshürüsh jeryanida nurghun tizimlikni qolgha chüshürgen.
ashqun ongchil térror gumandari, gérmaniye armiyesi mensubi franko a we uning ikki jinayet shérikini tekshürüsh jeryanidimu 32 kishilik «düshmen tizimliki» qolgha chüshürülgen.
jemiy 25 ming kishidin artuq kishining «düshmenler tizimlikliri» ge kirgüzülgenliki éniqlap chiqilghan. biraq ölke jamaet xewpsizliki teshkilatliri yuqirigha 2017 – yili peqet üch kishiningla «düshmenler tizimlikliri» ge kirgüzülgenliki toghruluq melumat yollighan.
