girétsiyediki ot apitide qaza qilghanlarning sani künséri köpeymekte
girétsiyening paytexti atina etraplirida yüz bergen ot apitide qaza qilghanlarning sani 81 ge yetti, 187 kishi yarilandi.
türkiye awazi radiyosi xewiri: atinaning texminen 20 kilométir sherqiy shimaligha jaylashqan péntéli we rafina rayonlirida bashlanghan we qisqa waqit ichide ormanliqtin ahaliler rayonlirighiche kéngiyip ketken ot apiti girétsiye tarixidiki eng chong palaketlerdin birini keltürüp chiqardi.
melumatlargha qarighanda, atinadin 40 kilométir yiraqliqtiki mati rayonida yüz bergen ot apitini öchürüsh paaliyetliri dawamlishiwatqan bolup, ot apiti sewebidin rayondiki 300 öy pütünley weyran bolghan.
alaqidar tarmaqlarning bildürüshiche, etretler izdesh - qutquzush paaliyetlirini dawamlashturuwatqan bolup, mesullar onlarche kishining yoqap kétishi seweblik qaza qilghanlar sanining éship kétishidin endishe qilmaqta iken.
döletning köpligen nuqtiliridin toplanghan yardemler bolsa rafina shehiridiki tenterbiye zalida éhtiyajliq kishilerge tarqitip bérilmekte iken.
