amérika we rusiye dölet mudapie ministirlirining körüshüsh éhtimali diqqet qozghidi

türkiye awazi radiyosi xewiri:  amérika dölet mudapie ministiri mattis rusiye dölet mudapie ministiri sérgéy shoygu bilen körüshüsh éhtimaligha soghuq nezer bilen qarimaydighanliqini bildürdi.

engliye roytérs agéntliqining diplomatik menberlerdin neqil alghan xewiride bildürülishiche, amérika dölet mudapie ministiri mattis rusiye dölet mudapie ministiri sérgéy shoygu bilen körüshüsh üchün ishiklerning ochuq ikenlikini éytqan.

mattis bu sözlirini amérika pirézidénti donald tramp bilen rusiye pirézidénti wladimir putin finlandiye paytexti xélsinkida körüshkendin kéyin éytti. nam-sheripini ashkarilashni xalimighan mesul xadimlar mattisning körüshüshke nisbeten ijabiy qarashta ikenlikini, biraq ikki terep otturisida hazirche bu heqte aktip alaqe ornitilmighanliqini eskertti.

sérgéy shoygu ötken hepte italiyede chiqidighan "Il Giornale" gézitining ziyaritini qobul qilghanda, péntagon (besh burjeklik bina, amérika dölet mudapie ministiri) gha rayonluq we dunya xaraktérlik kirizislar, térrorluqqa qarshi küresh mesililiride diyalogni chaqiriq qilghanliqini, emma péntagonning téxi buninggha teyyar emeslikini éytqan idi.

2015-yildin buyan ikki ministirliq otturisida héchqandaq uchrishish bolmighan.