amérikiliqlar fethullahchilardin hoshyar bolushqa chaqirildi

türkiye awazi radiyosi xewiri: amérika qoshma ishtatliridiki 150 ke yéqin türkiye – amérika ijtimaiy küchler bashqurushidiki organni bir bayraq astigha toplighan «türkiye – amérika yéteklesh komitéti», washington pochtisi gézitige toluq bet élan bérip, gézitning oqurmenlirini fethullahchi térrorluq teshkilati / parallél dölet qurulmisidin hoshyar bolushqa chaqirdi we teshkilatning kattibéshi fethullah gülenning türkiyege qayturup bérilishini telep qildi.

türkiye – amérika yéteklesh komitéti, 15 – iyul herbiy – siyasiy özgirish qozghashqa urunush herikitining 2 yilliqi munasiwiti bilen amérikining eng nopuzluq gézitlirining biri hésablinidighan washington pochtisigha toluq bet élan bérip, fethullahchi térrorluq teshkilati / parallél dölet qurulmisi toghrisida agahlandurdi.

élanda, 15 – iyul xainlarche herbiy – siyasiy özgirish qozghashqa urunush herikiti esnasida, enqerede parlaméntni öz ichige alghan köp sanda dölet igilikidiki idare – organlarning hujumgha uchrighanliqigha isharet qilindi؛ türkiye xelqining isyanchilargha qarshi kochilargha chiqip tankilargha mudaxile qilghanliqi, 250 din artuq kishining shéhit qilinghanliqi we ikki mingdin artuq kishining yarilanghanliqi xatirilitip ötüldi.

isyanchilargha buyruqning amérika qoshma ishtatlirining pénsilwaniye ishtatigha qarashliq saylorsburg bazirida yashawatqan kattibéshi gülen teripidin bérilgenliki eskertilgen élanda, gülen, 1993- yili nyu yorktiki dunya soda merkizige qilinghan hujum tüpeyli amérikida tutup turuluwatqan sheyx ömer abdurrahmangha oxshitildi.

élanda, sheyx ömer abdurrahmanning eyibleshlerge asasen tutqun qilinghanliqi, fethullahchi térrorluq teshkilati / parallél dölet qurulmisi kattibéshi gülenning bolsa, hazirghiche qanuniy jawabkarliqqa tartilmighanliqi qeyt qilindi.

amérikiliqlar gülenning qayturulushi üchün hökümetke bésim ishlitishke chaqirilghan élanda, gézitning oqurmenliridin teshkilatning amérikida orunlashturuwatqan pirogrammiliridin hoshyar bolush telep qilindi.