iran hindistanni agahlandurdi
téhran, hindistan hökümiti irandin néfit import qilishni toxtatqan teqdirde, bu döletke bérilgen alahide imtiyazlargha xatime béridighanliqini jakarlidi.
türkiye awazi radiyosi xewiri: iran metbuatida chiqqan xewerlerde, iranning yéngi déhlida turushluq diplomati mesud rezwaniyanning, hindistan amérika qoshma ishtatlirining bésimlirigha boyun égip, «iran néfitining ornigha seudi erebistan, rusiye, iraq we amérika dégendek döletlerdin néfit import qilsa, téhran teripidin bérilgen imtiyazlardin mehrum qalidighanliqi» ni éytqanliqi qeyt qilindi.
rezwaniyan, amérikining ittipaqdashlirigha qiliwatqan irandin néfit import qilishni toxtitish toghrisidiki bésimliri üstide toxtilip, dölitining hindistangha nisbeten «ishenchilik bir énérgiye shériki» ikenlikini éytti.
iranliq diplomat yene, hindistanni istratégiyelik ehmiyetke ige chabahar portini tereqqiy qildurush toghrisida bergen wedilirini hazirghiche orundimighanliqini ilgiri sürgen halda eyiblidi we bu qurulushning istratégiyelik ehmiyitining zorliqini tekitlep, uni pütküzüsh üchün hindistanning kéreklik qedemlerni tashlishishini kütüwatqanliqlirini sözlirige ilawe qildi.
u axirida, munasiwetlerni téximu yuqiri pellige kötürüsh üchün, ikki döletning barliq saheler boyiche mewjut imkaniyetlerdin paydilinishi lazimliqini qeyt qildi.
