israiliye eskerliri türkiye bayriqini lepildetken pelesitnlik yashqa oq chiqardi

türkiye awazi radiyosi xewiri: melumatlargha qarighanda, israiliye eskerlirining ghezze chégrasidiki keng kölemlik yurtqa qaytish paaliyetliri dairiside tinch namayishlarni ötküzüwatqan pelesitnlik ayallargha heqiqiy oq we yash aqquzush bombisi arqiliq mudaxile qilishi netijiside nurghun kishi yarilanghan.

ghezzediki sehiye ministirliqi bayanatchisi eshref elqudra bu heqte élan qilghan yazma bayanatida, mundaq dédi: «israiliye eskerlirining ghezzening sherqide namayish ötküzgen pelesitnlik ayallargha heqiqiy oq we sirini bilgili bolmaydighan gaz bombisi arqiliq mudaxile qilishi netijiside köpinchisi ayal bolup, 134 kishi yarilandi, bezi pelesitnlikler yash aqquzush bombisining tesirige uchridi.»

igilinishiche, israiliye eskerlirining ghezze chégrasi etrapida türkiye bayriqini lepildetken pelesitnlik bir yashqa oq chiqirishi netijiside putidin yarilanghan,

yarilanghan bolushigha qarimay türkiye bayriqini tashliwetmigen pelesitnlik yash, sehiye xadimliri teripidin doxturxanigha élip bérilghan.

pelesitnlikler tupraq künining 42 – yilliqi munasiwiti bilen 30 – marttin buyan qamal astidiki ghezze rayonining israiliye chégrasida «keng kölemlik yurtqa qaytish» nami astida tinchliq namayishlirini ötküzmekte iken.

israiliye eskerliri bolsa «sürgün qilinghan tupraqlargha qaytish (tupraq küni) we 2016 – yildin buyan ghezzege yürgüzülüwatqan qamalning bikar qilinishini telep qilip namayish ötküzüwatqan puqralargha oq chiqarmaqta iken.