süriyede bu yil ichidila 4759 bigunah adem ölgen
süriye insan heqliri komitéti süriyede bu yil ichidila 4759 bigunah ademning ölgenlikini bildürdi.
türkiye awazi radiyosi xewiri: süriyede bu yilning deslepki yérimida 1104 bala, 798 ayal bolup jemiy 4759 adem jénidin ayrildi.
süriye insan heqliri komitéti süriyediki guruhlarning toqunushi, hujumlar we qiyin-qistaqlar sewebidin ölgenler toghrisida doklat élan qilip, bu yilning deslepki yérimida 1104 bala, 798 ayal bolup jemiy 4759 ademning jénidin ayrilghanliqini uqturdi.
doklatqa asaslanghanda, esed hakimiyiti 6 ay ichide 616 bala, 507 ayal bolup jemiy 3056 ademni qetl qilghan bolsa, esed qisimlirini herbiy jehettin qollap kéliwatqan rusiye armiyesining hawa hujumlirida 138 bala, 79 ayal bolup jemiy 398 adem ölgen.
térrorluq teshkilati daéshning bu yil ichide 43 bala, 15 ayal bolup jemiy 182 ademni qetl qilghanliqi eskertilgen doklatta, daéshqa qarshi teshkil qilinghan xelqara ittipaqdash qisimlirining hawa hujumlirida bolsa 113 bala, 68 ayal bolup jemiy 254 ademning jénidin ayrilghanliqi bildürüldi.
doklatta öktichi guruppilar we heyet tehrir sham qisimliri sewebidinmu bu yil ichide 16 bala, 4 ayal bolup jemiy 53 ademning ölgenliki qeyt qilindi.
bölgünchi térroluq teshkilati y p g – p k k ning 11 bala, 18 ayal bolup jemiy 112 ademni qetl qilghanliqi eskertilgen doklatta, 167 bala, 107 ayal bolup jemiy 704 ademning kimliki naéniq guruhlar teripidin öltürülgenliki tilgha élindi.
doklatta yene bu yil iyundila süriyede 593 ademning her xil usullar bilen öltürülgenlikimu bildürüldi.
