yaponiye melikisi adettiki puqra bilen öylinidighanliqini élan qildi
yaponiyede ikkinji qétim yene bir melike émpiratorluq jemetidin waz kéchish bedilige adettiki puqra bilen toy qilidighan boldi.
türkiye awazi radiyosi xewiri: yaponiye émpiratorluqi jemetide melike makoning arqidin melike ayakomu ésilzadiler ailisidin emes, adettiki puqralardin birsi bilen öylinidighanliqini élan qildi.
yaponiyede bu xil öylinish öz nöwitide yene, melikilik unwanidinmu waz kechkenliki bolidu.
yaponiye hökümitige qarashliq émpiratorluq sariyi agéntliqi, émpirator akixitoning jiyeni melike takamodoning üchinchi we eng kichik qizi melike ayakoning déngizchiliq shirkitide ishleydighan 32 yashliq kéy moriya isimlik bir yigit bilen öylinidighanliqini jakarlidi.
ikki yashning tonushqinigha téxi bir yilmu bolmighan bolup, 12 – awghust küni resmiy chay uchurush murasimi we andin 29 – öktebirde tokyodiki méyji jingu ibadetxanisida toy merikisi ötküzülidighanliqi bildürüldi.
melike ayako uniwérsitétning ijtimaiy yardem fakoltitutidin magéstirliq unwani alghan bolup, anisi melike takamodoning uni kéy morya bilen tonushturghanliqimu bayanatta urun aldi.
yaponiye émpiratorluq jemitining qaide – yosunlirigha binaen melike yégiti kéy moriya bilen toy qilish qesimi ichkendin kéyin, émpiratorluq jemitidin ayrilishqa mejbur bolidu. lékin émpiratorluq jemeti melikige 1 milyon dollar heq tapshuridu.
