démistura misir tashqi ishlar ministiri bilen süriye kirizisi üstide söhbetleshti
b d t ning süriye alahide wekili démistura qahirede misir tashqi ishlar ministiri shükri samih bilen süriye kirizisini siyasiy yol arqiliq hel qilish üstide söhbetleshti.
türkiye awazi radiyosi xewiri: b d t süriye alahide wekili stéfan démistura qahirede misir tashqi ishlar ministiri samih shükri bilen körüshüp, süriye kirizisi üstide söhbetleshti.
misir tashqi ishlar ministirliqining bu heqtiki yazma bayanatida, misir tashqi ishlar ministirliqida emelge ashqan körüshüshte, shükri bilen démisturaning süriye kirizisini siyasiy yollar bilen hel qilish mesililirini muzakire qilghanliqi bildürüldi.
bayanatta, körüshüshning, b d t ning süriye kirizisini axirlashturulushi we siyasiy yol bilen hel qilish üstidiki izdinishler dairiside emelge ashqanliqi qeyt qilindi.
bayanatta, b d t ning qahirening mesile heqqidiki qarashlirigha ehmiyet béridighanliqi eskertilish bilen birge, démisturaning süriyening nöwettiki weziyiti we xelqara sehnilerde mesilini hel qilish üchün bésilghan qedemler toghrisida misir tashqi ishlar ministiri shükri samihqa melumat bergenliki bildürüldi.
bayanatta, tashqi ishlar ministiri shükri samihning misirning mesilini hel qilish tekliplirini démisturagha yetküzgenliki eskertildi.
