firansiyening xitaygha ishligen 4 axbarat xadimi sotlinishqa bashlidi
firansiyede tashqi axbarat orginining xitay üchün ishligen 4 xadimi üstidin 30 yilghiche qamaq jazasi bérish telipi bilen sotlash bashlandi.
türkiye awazi radiyosi xewiri: «‹ Le Monde › géziti» ning xewer qilishiche, bultur dékabirda élip bérilghan bir tekshürüsh jeryanida, firansiye tashqi axbarat orginining 4 neper xadimining xitay üchün ishligenliki otturigha chiqqan. shuning bilen, bu kishiler üstidin 30 yilghiche qamaq jazasi bérish telipi bilen sotlash bashlanghan.
gézitning «‹ TMC › téléwiziye qanili» da tarqitilghan « Quotidien » pirogrammisida otturigha qoyulghan dewalarning ispatlanghanliqi eskertilgen xewiride mundaq déyilgen: «mezkur kishiler béyjing hökümiti üchün firansiyening muhim axbaratlirini toplash meqsitide ishlitilgenliki toghruluq guman tughdurghan, shuning bilen tekshürüsh bashlanghan .»
firansiye dölet mudapie ministirliqi bu dewalarning rastliqini, mezkur kishilerning dölet mexpiyetlikini ashkarilash we döletke xiyanet qilish jinayetliri bilen sotqa tartiliwatqanliqini uqturdi. ministirliq, bu kishilerdin ikkisining firansiye tashqi axbarat orginining pinsiyonér xadimi ikenliki toghruluq melumat berdi, biraq ularning qachan pinsiyege chiqqanliqi we qaysi usulda «qosh tereplik jasusluq paaliyetliri» ni élip barghanliqi heqqide melumat bermidi.
مۇناسىۋەتلىك خەۋەرلەر
liwan hizbullahi: isirailiye pushayman qilidu
liwan hizbullahi isirailiye hujum qilsa «pushayman» qilidighanliqi toghrisida agahlandurdi.