xitay tunji yerlik awiyamatkisini sinaq qilishni bashlidi
xitayning tunji yerlik awiyamatkisi uchurlishish, yéqilghu, ot apiti bixeterliki dégendek asasiy sistémilirini sinaq qilish sepirini bashlidi.
türkiye awazi radiyosi xewiri: xitay merkiziy téléwiziye qanilining xewer qilishiche, xitayning dölet igilikidiki xitay kémesazliq sanaiti shirkiti teripidin ishlepchiqirilghan Type-001A tipliq yerlik awiyamatka liyawning ölkisidiki daliyen portidin murasim arqiliq yolgha sélinghan bolup, uchurlishish, ot öchürüsh, yéqilghu we sim yolliri dégendek asasliq sistémiliri sinaq qilinidiken. sinaq jeryanida awiyamatkida urush ayropilanliri we qoral sistémiliri orun almaydiken.
igilinishiche, yasash xizmiti 2012 – yili bashlanghan 001A tipliq awiyamatka ayropilanlarning qozghilishigha qolayliq yaritish üchün yuqirigha égik qilip yasalghan bolup, uzunluqi 315 métir, kengliki 75 métir, éghirliqi 50 ming tonna kélidiken.
xitay kémesazliq sanaiti shirkiti, tunji sepirini bashlighan yerlik awiyamatkini 6 ay boyiche her xil sinaqlardin ötküzidiken. iqtidari toghrisida tepsiliy melumat bérilmigen awiyamatkining resmiy xizmetke kirishtürülgendin kéyin 40 etrapida J-15 urush ayropilani élip yüridighanliqi eskertilmekte.
ötken yili aprél éyida murasim ötküzülüp déngizgha chüshürülgen 001A tipliq awiyamatkining 2020 – yili wezipige qatnashsa bolidighan haletke keltürülüp, armiyege tapshurup bérilishi kütülmekte iken.
