isirailiye süriyening jenubigha hujum qildi
isirailiye süriyening jenubidiki kuneytra wilayitige qarashliq baas we hadar rayonini tanka we zembirekler bilen bombardiman qildi.
türkiye awazi radiyosi xewiri: kuneytra wilayitidiki yerlik menbelerdin élinghan melumatlargha asaslanghanda, isirailiye qisimliri ishghal astida tutuwatqan golan égizlikidin hujum qilghan. beshshar esed hakimiyiti qisimliri rakétamiyotlar bilen qarshiliq bildürgendin kéyin, isirailiye ayropilanliri baas shehirining etrapidiki rayonlargha we kuneytra wilayitining shimalidiki tél ahmar rayonini bombardiman qilghan.
isirailiye armiyesining yazma bayanatigha qarighanda, iran inqilabiy muhapizetchiliri qismi tarmiqidiki "quddus küchi" ning süriyedin ishghal astidiki golan égizlikidiki bazilargha 20 ge yéqin rakétamiyot atqan.
bildürülishiche, étilghan rakétamiyot oqliri isirailiye hawa mudapie qalqan sistémiliri teripidin tosuwélinghan, hujumda ölüm-yétim hadisiliri körülmigen.
bayanatta mundaq déyilgen:
"isirailiye armiyesi buni qorqunchliq weqe süpitide körmekte we her xil sénariyelerge qarshi teyyar turushni dawamlashturmaqta."
