yaponiye – xitay – jenubiy koréye üch terep bashliqlar yighini
yaponiyening paytexti tokyoda yaponiye bash weziri shinzo abé, jenubiy koréiye pirézidénti mon jain we xitay bash ministiri li kéchyangning ishtirak qilishida üch terep bashliqlar yighini chaqirildi.
türkiye awazi radiyosi xewiri: sahibxan dölet yaponiye bash weziri shinzo abé, küntertipini rayonluq özgirishler we shimaliy koréye bilen yarishish basquchi teshkil qilidighan yighinning échilishida qilghan sözide, «munasiwetlirimizni mustehkemlesh rayongha nisbeten nahayiti zor ehmiyetke ige» dédi.
melumatlargha qarighanda, jenubiy koréiye pirézidénti mon jain bilen xitay bash ministiri li kéchyang ayrim körüshidiken.
xitay ilgiri üch terep bashliqlar yighinining eng muhim küntertip maddisining rayonluq hemkarliq mesilisi ikenlikini jakarlighanidi, biraq, yighinda, shimaliy koréye mesilisi toghriliqmu muzakire élip bérilishi kütülmekte.
amérika qoshma ishtatlirining xitay bilen yaponiyege qaratqan iqtisadiy bésimi barghanséri küchiyiwatqan bir peytte chaqirilghan üch terep bashliqlar yighini rayonluq birlik üchün purset yaritip béridu, teriqiside analizlar élip bérilmaqta.
