li kéchyang jakartada hindonéziye pirézidénti bilen körüshti
hindonéziye pirézidénti joko widodo bilen xitay bash ministiri li kéchyang, ikki dölet iqtisadiy munasiwetliri toghrisida sözleshti.
türkiye awazi radiyosi xewiri: hindonéziye pirézidénti widodo, jakartada dölet ishliri ziyaritide boluwatqan xitay bash ministiri li kéchyangni bogordiki pirézidéntliq sariyida qobul qildi. ikki rehberning uchrishishida, iqtisadiy shérikchilik, soda we sélinma mesililiri bilen birge, shimaliy koréye tinchliq musapisigha oxshash rayon we xelqaraliq mesililermu muhakime qilindi.
widodo uchrishishtin ilgiri bayanat bérip, xitayning bolupmu iqtisadiy, sélinma we soda munasiwetliri jehetlerde hindonéziye üchün istratégiyelik shérik ikenlikini tekitlidi.
li kéchyang, xitayning rayongha alaqidar iqtisad, üstqurulma we sanaet tereqqiyat qatarliq jehetlerde hindonéziye we sherqiy jenubiy asiya döletliri ittipaqi bilen hemkarliship xizmet qilishni dawamlashturidighanliqini éytti.
ötken yilliq sanliq melumatlargha asaslanghanda, xitay 3 milyard 400 milyon dollarliq sélinmisi bélen hindonéziyege eng köp meblegh salghan üchinchi dölet iken. ikki dölet arisidiki soda hejimi ötken yili bir aldinqi yilgha sélishturghanda, %18 éship 63 milyard 300 milyon dollargha yetken.
igilinishiche, li kéchyang ziyariti dairiside bügün hindonéziye bash ministir yardemchisi yusuf kalla bilen körüshidu we xitay – sherqiy jenubiy asiya döletliri ittipaqi munasiwetlirining 15 – yili munasiwiti bilen ötküzülidighan murasimgha ishtirak qilidu.
