jon makkéin jinaze murasimigha donald trampning qatnishishini xalimaydu
jumhuriyetchi palata ezasi jon makkéinning yéqinliri pirézidént donald trampning jinaze murasimigha kélishini xalimaydighanliqlirini bildürdi.
türkiye awazi radiyosi xewiri: amérikida uzundin buyan ménge rakigha mubtila bolghan jumhuriyetchi palata ezasi jon makkéin eger hayatidin ayrilghan teqdirde jinaze murasimigha pirézidént donald trampning qatnishishini xalimaydighanliqi ashkarilandi.
niyu york waqti gézitining makkéining yéqinlirini menbe körsetken xewirige asaslanghanda, jumhuriyetchi palata ezasi eger hayatidin ayrilghan teqdirde, jinaze murasimigha donald trampning teklip qilinmaydighanliqini éytqan.
gézitte yene, aqsaraygha wakaliten muawin pirézidént mayk pénsqa teklip ewetilidighanliqi qeyt qilindi.
jinaze murasimigha teklip qilinghuchilar tizimlikide, démokratchilar partiyesining sabiq amérika pirézidénti barak obamaningmu barliqi bildürüldi.
jinaze murasimining paytext washingtondiki chong chérkawda ötküzülüshi pilanlanmaqta.