héléy: ottura sherqte puqralarni «janliq qalqan» qilish éghirliship ketti
amérika qoshma ishtatlirining b d t da turushluq daimiy wekili nikki héléy, ottura sherqte puqralarning «janliq qalqan» süpitide ishlitilishining «éghirliship ketken» likini éytti.
türkiye awazi radiyosi xewiri: nikki héléy b d t xewpsizlik kéngishide söz qilip, iraq, liwan, süriye we yemende bigunah xelqning arisigha yoshurunuwalghan militaristlarni eyiblep, «iranning bigunah puqralarning tenlirining arqisida ruush qiliwatqan bu guruppilarning köpinchisini qoghdawatqanliqi» ni ilgiri sürdi.
puqralarning ya herbiy üstqurulmini qoghdash üchün qalqan qiliniwatqanliqini yaki ularning muddialirigha xelqara médiyada qollash peyda qilish üchün qurban qilinghanliqini eskertken nikki héléy, «her ikki xil shekilde puqralarning oqlarning otturisida qalghanliqini we gheyriy qanuniy herbiy we siyasiy muddialar üchün suyiéstimal qilinghanliqi» ni qeyt qildi.
u, puqralardin janliq qalqan süpitide paydilinishqa «wehshiylerche bir qilmish» we «urush jinayiti» dep baha bérip, «xewpsizlik kéngishining insaniyet namidin bu tehditni muzakire qilish üchün sadasini yangritishi kérekliki» ni tekitlidi.
