tunista ottura mektep oqutquchiliri ish tashlidi

türkiye awazi radiyosi xewiri: tunista toluqsiz we toluq ottura mektep oqutquchiliri hökümettin maarip tüzümi we ijtimaiy sharaitlarni yaxshilashturushni telep qilip deslep namayish ötküzdi, arqidin ish tashlidi.

tunis omumiy ishchilar uyushmisi fédératsiyege qarashliq toluq ottura mektep oqutquchiliri uyushmisining chaqiriqigha binaen tunistiki maarip bashqarmisi aldigha yighilghan oqutquchilar, teleplirige qulaq salmighan hökümetke naraziliq bildürüshti.

namayishqa qatnashqan toluq ottura mektep oqutquchiliri uyushmisining muawin bashliqi rawda bin iypa hökümetning muzakire ötküzüshke soghuq qariwatqanliqini éytti.

rawda bin iypa hökümettin mundaq üch ishni telep qilidighanliqini bildürdi: «pinsiye yéshini 60tin 55ge töwenlitish, maaripni yaxshilash üchün maaripchilarning küchidin toluq paydilinish we maaripchilarning maddiy sharaitini yaxshilashturush.»

paytexttin sirt bashqa sheherlerdimu buninggha oxshash namayishlar ötküzüldi.

maarip ministirliqining teleplirige biperwa muamile qilip kéliwatqanliqini bildürüshken maaripchilar oqughuchilarning imtihan netijilirini élan qilmaydighanliqlirini uqturushti. maarip ministiri xatim bin selim oqughuchilarning imtihan netijiliri élan qilinmisa oqutquchilargha maash bérilmeydighanliqini bildürdi.

sanliq-melumatlargha qarighanda, tunista 6070 toluqsiz we toluq ottura mektep bar bolup, bu mekteplerde 142260 oqutquchi xizmet qilidiken.