misir 299 ademning ismini térrorchilar tizimlikidin chiqiriwetti

türkiye awazi radiyosi xewiri: misir resmiy xewer agéntliqi ména, «daésh térrorluq teshkilati» délosi dairiside sot mehkimisi teripidin isimliri térrorchilar tizimlikige kirgüzülgen 299 gumandarning adwokatlirining yuqiri sotqa sunghan étizarlirining qobul qilinip, mezkur kishilerning isimlirining térrorchilar tizimlikidin chiqiriwétilgenlikini xewer qildi.

misir yuqiri sot mehkimisi, mezkur gumandarlarning bashqa bir jinayi ishlar sot mehkimisi we perqliq sot kollégiyesi teripidin qayta sotlinishigha höküm qildi.

qahire jinayi ishlar sot mehkimisi, 2017 – yili 1 – iyunda 299 gumandarning ismini térrorchilar tizimlikige kirgüzüshni qarar qilghandin kéyin, mezkur kishilerning adwokatliri 15 – awghustta qarargha étiraz bildürgenidi.

mezkur gumandarlar daésh térrorluq teshkilatigha eza bolush, sina yérim arilida esker we saqchilargha qoralliq hujum qilish we qanunsiz qoral saqlash dégendek bir qatar jinayetlerni sadir qilish bilen eyiblengenidi.