trampning ichki bixeterlik mesililiri meslihetchisi wezipisidin istépa berdi
amérika qoshma ishtatliri pirézidénti donald trampning ichki bixeterlik mesililiri meslihetchisi tom bossért wezipisidin istépa berdi.
948858
![trampning ichki bixeterlik mesililiri meslihetchisi wezipisidin istépa berdi](http://cdn.trt.net.tr/images/xlarge/rectangle/34c8/9e0f/eb48/5acdb3e1d4df8.jpg?time=1718991873)
türkiye awazi radiyosi xewiri: aqsaray bayanatchisi sarah sandérs bossértning istépasidin kéyin yazma bayanat élan qilip, «pirézidént, tomning döletning bixeterliki we xatirjemlikige bolghan sadaqitige minnetdardur. tom, aqsarayning döletni térrorluq tehditidin qoghdash, tor bixeterlikini kücheytish we kütülmigen tebiiy apetlerge qarshi küresh xizmetlirige bashlamchiliq qildi. pirézidént, uninggha wetenperwer xizmetliri üchün rehmet éytidu» dégenlerni qeyt qildi.
bossértning wezipisidin istépa bérish sewebi toghrisida héchqandaq melumat bérilmigen bolsimu, amérika taratqulirida, bu istépani aldinqi küni wezipe öteshke bashlighan aqsaray dölet xewpsizlik ishliri meslihetchisi jon boltonning telep qilghanliqi toghrisidiki uchurlar orun aldi.