rusiye amérikaning hujum éhtimaligha qarshi heriketke ötti
rusiye 7-aprél (shenbe) süriyening sherqiy ghute rayonida yüz bergen ximiyelik hujumdin kéyin, amérika teripidin qilinish éhtimali bolghan bashqurulidighan bomba hujumi yaki bashqa hujumlargha qarshi süriyediki herbiy orunlashturushini özgertidu.
türkiye awazi radiyosi xewiri: rusiyening süriyediki bashqurulidighan bomba «S-400» qalqan sistémisi, amérikaning bashqurulidighan bomba hujum éhtimaligha qarshi aktip halgha keltürüldi. qosh motorluq «MIG-31» ayropilanlar 24 saet asmanda charlash élip baridu. amérika bashqurulidighan bombilirining nishanida, beshshar esed hakimiyitining 20 dane achquchluq rayon we herbiy bazining barliqi diqqet qozghimaqta.
herbiy bazilarning beziliride rusiye eskerlirining barliqi yétip kelgen melumatlar ichide. amérikaning rusiye eskerliri bolmighan rayonlargha zerbe bérishi mumkinliki eskertildi. süriyede rusiye eskerliri bolghan barliq herbiy bazilarda jiddiy agahlandurush bérildi. amérikaning éhtimali bolghan hujumigha qarshi amérika déngiz armiyesining paraxotliri we ayropilanlirigha oq chiqirilidighanliqi ilgiri sürüldi.
amérikaning beshshar esed hakimiyitining herbiy nuqtilirigha, aqdéngizdiki paraxotliri arqiliq zerbe bérish mumkinliki perez qilinmaqta. amérikaning bu heriket bilen hem rusiye hemde irangha jawab qayturushni ümid qilghanliqimu diqqet qozghimaqta.
