méksikidiki bir türmide mehbuslar isyan kötürdi
méksikidiki bir türmide yüz bergen mehbuslar isyanini basturush herikiti jeryanida 7 saqchi hayatidin ayrildi.
türkiye awazi radiyosi xewiri: méksika hökümiti yazma bayanat élan qilip, saqchilarning, döletning jenubiy qismigha jaylashqan wérakruz shehiridiki la toma türmiside shenbe küni kechte yüz bergen isyanni basturush herikiti élip barghanliqini uqturdi.
bayanatta, saqchilar türmige kirgen esnada isyanchi mehbuslarning yastuqlarni köydürüp, yaghachchilar bölümidiki saymanlarni ishlitip hujum qilghanliqini, weqede 7 saqchining ölgenliki, kem dégende 10 mehbusning yarilanghanliqini uqturdi.
igilinishiche, saqchilarning tumandin zeherlinip ölgen bolush éhtimali bar iken.
1300 etrapida mehbus qamalghan la toma türmiside türme mudiri we bash muhapizetchining wezipisidin élip tashlinishini telep qilip, shenbe küni kechte bashlanghan isyan xewpsizlik küchlirining mudaxilisi arqisida tanggha yéqin basturulghanidi.
