kataloniyening sabiq bashliqini qoyup bermeslikke qarar qilindi
gérmaniyediki niumunstér yerlik sot mehkimisi karlés piyugdémontni qoyup bermeslikni qarar qildi.
türkiye awazi radiyosi xewiri: gérmaniyede nazaret astigha élinghan kataloniye aptonom hökümitining sabiq bashliqi karlés puyigdémontni qoyup bermeslikke qarar qilindi.
niumunstérdiki yerlik sot mehkimisi karlés piyugdémontni qoyup bermeslikni qarar qildi.
sichléswig holstéyin ottura sot mehkimisi ispaniye asasiy qanunigha xilapliq qilip döletke qarshi isyan kötürüshke oxshash jinayii qilmishlar bilen eyiblengen piyugdémontni ispaniyege qayturup bérish telipini pasxaliya bayrimidin kéyin közdin kechüridighanliqini bildürdi.
ottura sot mehkimisi puyigdémontni ispaniyege qayturup bérish bermeslik meslisi üstide 2 ay ichide qarar bérishi lazim.
puyigdémont yekshenbe küni daniye bilen gérmaniyeni bir-birige tutashturidighan tashyolda nazaret astigha élinip niumunstér türmisige qamaldi.
ispaniye aliy sot mehkimisi jüme küni puyigdémont bilen qachqun töt siyasetchi üstide tutush buyruqi chiqardi.
puyigdémont bilen kataloniyening töt ministiri kataloniyede bultur 27-öktebirde öz aldigha musteqilliq jakarlidi, ispaniye hökümitining buninggha qarita qanuniy tekshürüsh xizmiti bashlishishi sewebidin puyigdémont we töt ministir bélgiyege qachti.
