tramp dewride amérikidin qéchish dolquni kücheydi
amérika pirézidénti donald trampning 2017 – yili 20 – yanwardiki wezipe ötküzüwélishidin kéyin, amérikidin qéchish dolquni küchiyip ketti.
türkiye awazi radiyosi xewiri: donald tramp teripidin sayahet cheklimisi yolgha qoyulghan döletlerning puqraliri bashta bolup, minglarche musapir kanadagha panahliq iltimasi sundi؛ 2017 – yili yanwar éyidin buyan amérikidin 25 ming kishi kanadagha panahliq iltimasi sundi.
panahliq iltimasidiki partlash xaraktérlik köpiyishte pirézidént donald trampning bezi döletlerge sayahet cheklimisi qoyushi we musulmanlargha qarshi qattiq qol siyasiti küchlük rol oynidi.
kanada bolsa, hawaning issishigha egiship panahliq iltimasi sunghuchilar sanining téximu köpiyip kétish éhtimalini nezerde tutup, chare – tedbirlerni yolgha qoyushqa bashlidi. kanada köchmenler we musapirlar ishliri ministirliqi, yéqinqi aylarda panahliq iltimasi sunghuchilar sanining uda köpiyiwatqanliqini tekitlidi.
