pakistan tebligh jamaitining yighilish ornigha yéqin jayda adem bomba hujumi yüz berdi
pakistanning penjap ölkisining paytexti lahordiki bir saqchi tekshürüsh nuqtisida adem bomba hujumi yüz bérip, 5 nepiri saqchi bolup jemiy 8 adem hayatidin ayrildi.
türkiye awazi radiyosi xewiri: lahorning chet mehellisi raiwénda ötküzülgen tebligh jamaitining yighilishining bixeterlikini saqlash meqsitide qurulghan tekshürüsh nuqtisi motosiklitliq bir kishining adem bomba hujumigha uchridi؛ penjap ölkilik sehiye ishliri ministiri selman refiq, hujumda 8 ademning haytidin ayrilghanliqini, 20 ademning yarilanghanliqini bildürdi.
saqchi tarmaqliri, bomba chuwush xadimlirining neq meydanda tekshürüsh élip barghanliqini, hujumchining kimliki we shériklirining kimliklirini éniqlash xizmetlirining dawamlishiwatqanliqini uqturdi.
penjap ölkisi bash ministiri shehbaz sherif hujumni eyiblidi, yaridarlarni pütkül imkaniyetlerni seperwer qilip dawalash toghrisida yolyoruq chüshürgenlikini éytti.
saqchi bashliqi arif nawaz xanmu hujumdin kéyin saqchilarning jiddiy haletke ötküzülgenlikini we rayondiki bixeterlik tedbirlirining kücheytilgenlikini élan qildi.
alaqidar emeldarlar, eger hujumchi saqchi tekshürüsh nuqtisidin ötüp amma ichige kirgendin kéyin bombini partlatqan bolsa, adem ölüsh ehwalining téximu éghir bolup kétidighanliqini bildürüshti.
hazirche héchqandaq terep hujumning jawabkarliqini üstige almidi.
