saddam ailisi we sabiq tüzüm emeldarlirigha alaqidar qarargha qayta qarap chiqilishi telep qilindi
iraq parlaménti bashliqi selim eljeburi, hökümet qarmiqidiki adalet we tekshürüsh komitétini saddam huseyin ailisi we sabiq tüzüm emeldarlirigha alaqidar qararini közdin kechürüshke chaqirdi.
türkiye awazi radiyosi xewiri: iraq parlaménti bashliqi selim eljeburi, hökümet qarmiqidiki adalet we tekshürüsh komitétini aghduruwétilgen rehber saddam huseyinning ailisi we sabiq tüzüm emeldarlirining mal – mülüklirini musadir qilish toghrisidiki qararini közdin kechürüshke chaqirdi.
iraq parlaménti bashliqi selim eljeburi adalet we tekshürüsh komitéti ezaliri bilen uchrashqandin kéyin yazma bayanat élan qilip, uchrishishta, yéqinda isimliri «mal – mülükliri musadire qilinidighanlar» tizimlikige kirgüzülgen kishilerning ehwalining muzakire qilinghanliqini bildürdi.
bayanatta, özining, bashqurush, qanun chiqirish organliri we xelqning teklipliri we étirazlirining nezerge élinishi, buninggha asasen isim tizimlikining qaytidin közdin kechürülüshini telep qilghanliqini qeyt qildi.
iraq hökümiti qarmiqidiki adalet we tekshürüsh komitéti, ötken hepte saddam ailisi bilen sabiq tüzüm emeldarlirining mal – mülüklirining musadire qilinishini telep qilip, 4257 kishining ismi orun alghan bir tizimlikni élan qilghanidi.
