hindistanda «mawchilar» ning minaliq hujumida 8 saqchi öldi
hindistanda saqchilargha ait bironiwik ötüp kétiwatqanda «mawchilar» teripidin yol chétige kömüp qoyulghan minaning partlishi netijiside 8 saqchi hayatidin ayrildi, 10 saqchi yarilandi.
928816
türkiye awazi radiyosi xewiri: melumatlargha qarighanda, hindistanning ottura qismigha jaylashqan chattisgarh ölkisige qarashliq sukma nahiyesi erapida saqchilargha ait bironiwik ötüp kétiwatqanda «mawchilar» teripidin yol chétige kömüp qoyulghan mina partlighan, partlashta 8 saqchi qaza qilghan, 4 i éghir 10 saqchi yarilanghan, yarilanghanlar etraptiki doxturxanilargha orunlashturulghan, saqchi terep hujumning jawabkarliqining «mawchi isyanchilar» ikenlikini bildürgen.
igilinishiche, xitayning inqilabiy rehbiri maw zédongdin ilham alghan «mawchi isyanchilar» 1967 – yildin buyan hindistanning shimaliy, sherqiy we merkiziy qismigha jaylashqan köpligen ölkilerde pat - pat qoralliq hujumlarni élip baridiken.
