chéxiye, türkiye qayturup bérilishini telep qiliwatqan térrorchilar kattibéshini qoyup berdi
bölgünchi térrorluq teshkilati p k k ning süriye qaniti p y d – y p g ning kattibashliridin salih muslim, yekshenbe küni nazaret astigha élinghan chéxiye (chéx) de sotlinip, qoyup bérildi.
türkiye awazi radiyosi xewiri: türkiye, piragada nazaret astigha élinghan salih muslimning türkiyege qayturup bérilishi we waqitliq tutup turulushini telep qilip, chéxiyege matériyal yollighanidi؛ mezkur matériyallarda térrorist salih muslim üstidin türkiyede arilashqan 3 ayrim térrorluq hujumi yüzisidin chiqirilghan 3 ayrim tutush buyruqi bar idi.
biraq, piragada sotlanghan térroristlar kattibéshi muslim türkiyening qayturup bérishni telep qilghan bolushigha qarimay qoyup bérildi, emma, uning shertlik yaki shertsiz qoyup bérilgenliki hazirche éniq emes.
türkiyening piragada turushluq bash elchisi ehmet nejati bigali t r t muxbirining chéxiye sotining nomus qilarliq qarari toghrisidiki soallirigha jawab berdi. u, türkiyening qararni eyibleydighanliqini bildürüp, «bu térrorluqni qollash dégenlik bolidu» dédi.
bigali, bu ehwalning ittipaqdashliq hemkarliqi we ikki terep munasiwetlirige zit ikenliinimu sözlirige ilawe qildi.
