kotédiwoyrida zhandarmining yolsizliqigha chidimighan xelq isyan kötürdi
kotédiwoyrining gherbige jaylashqan bilolékiwin shehiride bir mototaksichining étip öltürülüshige qarshi isyan chiqti.
türkiye awazi radiyosi xewiri: gherbiy afriqa döliti kotédiwoyrida bir mototaksichining zhandarma teripidin étip öltürülüshige naraziliq bildürgen sheher ahalisi, waliy mehkimisi binasini chéqip saqchi ponkitlirigha ot qoyuwetti.
kotédiwoyrining gherbige jaylashqan bilolékiwin shehiride bir mototaksichi kontrol éghizida zhandarma bilen jédelleshti.
jédelning ulghiyip kétishidin kéyin zhandarma mototaksichigha oq chiqardi, mototaksichi neq meydanda öldi.
weqege qattiq ghezeblengen sheher ahalisi mototaksichining jénigha zamin bolghan zhandarmini urup öltürüwetti.
yollargha tosaqlarni qurup aptomobil chaqlirini köydürüp tashlighan namayishchilar, arqidin waliy mehkimisi binasini chéqip bir qisim saqchi ponkitlirigha ot qoyuwetti.
saqchilar ghezebke tolghan sheher ahalisini ming teslikte tarqitiwetti.
bir saqchi emeldari zhandarmining mototaksichining «toxta buyriqi»gha xilapliq qilghanliqi üchün oq chiqarghanliqini ilgiri sürdi.
bir qisim shahitlar zhandarmining mototaksichilardin para telep qilghanliqini, jédelning bu sewebtin kélip chiqqanliqini bildürüshti.
