amérika bashqa döletlerdiki saylamlargha hiyle ishlettimu?
amérika merkiziy istixbarat idarisi«CIA»ning sabiq diréktori jamés wolséy amérikining bashqa döletlerdiki saylamlargha mudaxile qilghanliqini étirap qildi.
türkiye awazi radiyosi xewiri: rusiyening amérikidiki saylamlargha mudaxile qilghanliqi heqqide talash – tartish dawamlishiwatqan bir mezgilde, amérika merkiziy istixbarat teshkilati «CIA»ning sabiq diréktori jamés wolséy amérikiningmu bashqa döletlerdiki saylamlargha mudaxile qilghanliqini étirap qildi.
bir téléwziye qanilining pirogrammisida, wolséydin amérikining bashqa döletlerdiki saylamlargha mudaxile qilghan yaki qilmighanliqi heqqide soal soraldi.
wolséy soalgha jawap bérip, «shondaq éhtimalliqi bar. biraq kommunistlarning hakimiyet béshigha kélishini tosush üchün we shu dölet tüzümining yaxshiliqi üchün idi. yeni, démokratiyening menpeeti dégendek meqsetler üchün idi» dédi.
amérikida bil klintonning pirézidéntliq dewride merkiziy istixbarat teshkilati «CIA»ning diriktorluq wezipisini ötigen jamés wolséyning sözliri, rusiyening london elchixanisining ijtimaiy taratqu hésabida, «hemme nersini anglitishqa bashlidi» dégen éniqlima bilen hembehirlendi.
