sehiye teshkilati tereplerni ghezze doxturxanilirining tok we yéqilghu qiyinchiliqini hel qilishqa chaqirdi
dunya sehiye teshkilati, alaqidar tereplerni ghezzediki doxturxanilarda bash kötürgen tok toxtap kétish we yéqilghu yétersizliki mesilisige üzül – késil chare tépishqa chaqirdi.
türkiye awazi radiyosi xewiri: dunya sehiye teshkilati teripidin élan qilinghan yazma bayanatta, ghezzening mewjut yéqilghu yétersizliki tüpeylidin weyran bolush girdabigha kélip qalghanliqi tekitlendi.
pelestin sehiye ministirliqi bayanatchisi eshref elqudre 5 – féwralda élan qilghan bayanatida, balilar doxturxanisini öz ichige alghan üch doxturxana bilen 16 sehiye merkizining génératorlirining éhtiyajliq yéqilghu tügep ketkenliki üchün toxtap qalghanliqini we xizmetlerning aqsap qalghanliqini uqturghanidi.
ghezzede 2 milyondin artuq adem üchün xizmet qilidighan sehiye ministirliqigha qarashliq 13 doxturxana we 54 sehiye merkizi bar.
ministirliqning sanliq melumatlirigha qarighanda, her küni 18 – 20 saet tok bilen teminlinelmigen ghezzediki doxturxanilarning ayda 950 ming litér؛ génératorlarning toxtap qalmasliqi üchün bolsa, ayda 450 ming litér yéqilghugha éhtiyaj bar iken.
ghezze israiliye muhasirisi bashlanghan 2006 – yilidin buyan éghir derijide énérgiye qiyinchiliqini bashtin kechürmekte. rayonning 600 mégawatliq éléktir éhtiyajining peqet 210 mégawatliq qismi temin qilinmaqta.
