aljiriye firansiyedin yadro qoralliri siniqi sewebidin tölem telep qilidu

türkiye awazi radiyosi xewiri: aljiriye firansiyedin tölem telep qilidighanliqini bildürdi.

aljiriye dairiliri firansiyening aljiriye zéminlirida yadro qoralliri siniqi élip barghanliqini bildürüp firansiyedin tölem telep qilidighanliqini uqturdi.

aljiriye mujahitlar ministiri et-tayyib zeytuni firansiyening öz waqitida aljiriye zéminlirida élip barghan yadro  qoralliri sinaqliri keltürüp chiqarghan ziyanlarning tölinishi üchün mexsus komitét qurulidighanliqini éytti.

firansiye 1966-yildin 1996-yilghiche bolghan mezgillerde aljiriye we firansiyege tewe polinéziya rayonida texminen 210 qétim yadro  qoralliri siniqi élip barghanidi.

firansiye tarixida «qara dagh»dep xatirilengen bu yadro qoralliri  sinaqliri 100ming ademge tesir körsetkenidi.

firansiyening aljiriyediki yadro qoralliri siniqi pirézidént jakkiwis shirak mezgilde axirlashqan bolup, öz waqtida yadro  qoralliri sinaqlirining tesirige uchrighanlargha tölem bérish qarar qilinghanidi.

firansiye dairiliri bolsa yadro qoralliri  sinaqlirining ziyinigha uchrighuchilarning köp qismi esker bolup jemiy 500 adem ikenlikini ilgiri sürmekte.

aljiriye esker we amma bolup jemiy 18 ming ademning yadro qoralliri  sinaqlirining ziyinigha uchrighanliqini,  bu kishilerning köp qismining uzun ötmeyla jénidin ayrilghanliqini bildürmekte.

firansiyede 2010-yili yadro qoralliri sinaqlirining ziyinigha uchrighuchilargha tölem töleshni mezmun qilghan qanun layihesi maqullinip ijra qilinishqa bashlighan bolsimu, hazirghiche aran 20 adem tölem alalighan.

resmiy bolmighan melumatlargha qarighanda, nöwette yadro qoralliri sinaqlirining ziyanigha uchrap turupmu saq qalghan 3000dek qurban ichide 35i rak késili iken.