iraq: quddus pelestinning menggülük paytexti
iraq parlaménti amérikaning quddusni isirailiye paytexti dep étirap qilghanliqini eyibligen qanun layihesini mutleq köp awaz bilen qobul qildi.
türkiye awazi radiyosi xewiri: parlaméntta eng köp ezasi bar «memliketlik birleshme» ning parlamént ezasi eli essafi birleshma ichidiki muwatin guruppisining, trampning quddus qarari eyiblengen layiheni awazgha qoyush üchün parlamént ezalirigha ewetkenlikini bildürdi we layihening mutleq köp awaz bilen qobul qilinghanliqini eskertip: «parlamént ezaliri amérikaning qararini barliq dinlargha qaritilghan ighwagerchilik we xelqaraliq bixeterlikke hemde tinchliqqa tehdit peyda qilidu, dep qaridi» dédi.
u parlamét ezalirining layihege bélet tashlashta, quddusning pelestin dölitining menggülük paytexti ikenlikidin bésharet bergenlikini alahide tekitlep, mundaq dédi:
«parlaméntning qarari, quddusning pelestin dölitining paytexti bolghanliqi sewebidin sezgür mesililirige hörmet qilinishi üchün, iraq hökümitini b d t zörür bolghan barliq diplomatik tirishchanliqlarni körsitishke we bu dairede kéreklik qararlarni élishqa chaqirish menisige ige.»
amérika pirézidénti tramp 2017-yili 6-dékabir quddusni isirailiye paytexti dep étirap qilidighanliqini bildürüp, tél awiwdiki elchixanini quddusqa yötkesh toghrisida tashqi ishlar ministirliqigha perman chüshürgenlikini élan qilghan idi.
b d t omumiy kéngishide türkiyening bashchiliqida teyyarlanghan we trampning qararini tenqid qilghan quddusning salahiyitige munasiwetlik «isirailiyening ishghaliyiti astidiki sherqiy quddus we isirailiyening pelestin zéminidiki heriketliri» téma astidiki qarar layihesi, 2017-yili 21-dékabir amérika tehdit salghan bolushigha qarimay 9 gha qarshi 128 awazning qollishi we 35 awazning hoquqidin waz kéchishi bilen qobul qilinghan idi.
