shinzu abé shimaliy koréyening tehditige qarshi yaponiye armiyesini kücheytishke wede berdi
kim jongun yéngi yilliq nutuqida, shimaliy koréyening yadro we bashqurulidighan bomba pirogrammiliridin qetiy waz kechmeydighanliqini bildürüp, yadro qoral konupkisining üstilide ikenlikini éytqan idi.
türkiye awazi radiyosi xewiri: yaponiye bash weziri shinzu abé shimaliy koréyening siyasetlirini öz xelqini bayashat turmushqa ige qilish üchün özgertishi kéreklikini éytti.
shinzu abé muxbirlargha bergen bayanatida, yaponiyening shimaliy koréyening yönülüshini özgertish, bashqurulidighan bomba we yadro sinaqlirigha xatime bérishi üchün bésim qilish yolida, amérika we jenubiy koréye bilen birlikte qolidin kélidighan eng yaxshi xizmetlerni qilidighanliqini bildürdi.
shinzu abé bolupmu sharait intayin qéyinlishidighan yilning eng soghuq mezgilide shimaliy koréyege yürgüzülgen émbargolarning tesirini éhtiyat bilen közitiwatqanliqlirini tilgha élip, eger rehberler toghra siyaset yolgha qoyghan bolsa, shimaliy koréyening tirishchan xelqining we mol bayliqlirining döletni bayashat halgha keltüridighanliqini tekitlidi.
yaponiye bash weziri shinzu abé shimaliy koréyening bashqurulidighan bomba we yadro pirogrammilirining «2 – dunya urushidin kéyinki döletning bixeterlikige nisbeten eng chong tehdit bolghanliqini tekitlep, döletni qoghdash üchün yaponiye armiyesini kücheytishni dawamlashturushqa wede berdi.
shimaliy koréye rehbiri kim jongun yéngi yilliq nutqida shimaliy koréyening yadro we bashqurulidighan bomba pirogrammiliridin qetiy waz kechmeydighanliqini bildürüp, yadro qoral konupkisining üstilide ikenlikini éytqan idi.
