gérmaniyede her ikki kishidin birsi mérkélni xalimaydiken
gérmaniyede texminen her ikki kishidin birsi angéla mérkélning bash ministirliq wezipisidin burun ayrilishini xalaydiken.
türkiye awazi radiyosi xewiri: gérmaniyede texminen her ikki kishidin birsi angéla mérkélning bash ministirliq wezipisidin muddettin burun chékinip chiqishini xalaydu.
gérmaniyediki xewer agéntliqi(DPA) ning you gow tetqiqat shirkitige orunlashturghan xelq rayini sinash paaliyitidin chiqqan netijilerge asaslananda, qatnashqanlarning %47si, xiristiyan dimokratchilar partiyesi bashliqi angél mérklning 4 yil wezipe ötesh mudditini toshquzmay turup wezipisidin ayrilishini xalaydighan bolsa , %36si mérkélning wezipisini mudditi toshquche ötishini xalaydiken.
19-dékabirdin 21-dékabirghiche 2036 kishi bilen élip bérilghan ray sinashqa qatnashqanlardin: «bash ministir angéla mérkél rehberlikide yéngi hökümet qurulghan ehwalda mérkél 4 yil wezipe ötüsinmu yaki mudditi toshmay turup wezipisidin ayrilsinmu?»dégen teriqide soal soraldi.
ray sinashqa qarighanda, xiristiyan démokratchilar partiyesini qollaydighanlarning %17si mérkélning 4 yilni toldurmay turup muddettin burun wezipisini ayrilishini bildürgen bolsa, %75i 2021-yilghiche wezipisini dawamlashturushini xalaydighanliqini bildürgen.
gérmaniyede bu yil 24-séntebirde ötküzülgen omumiy saylamlardin kéyin 18-öktebirde xirsitiyan dimokratchilar partiyesi, hör démokratchilar partiyesi we yéshillar partiyesi birleshme hökümet qurush toghrisida muzakire ötküzüshke bashlighan bolsimu, 20-noyabirda hör démokratchilar partiyesining muzakirilerdin chékinip chiqishi sewebidin muzakiriler toxtap qalghanidi.
مۇناسىۋەتلىك خەۋەرلەر
amérika ukrainagha 2 milyard dollar yardem béridu
amérika qoshma ishtatliri ukrainagha 2 milyard dollar yardem béridu.
afghanistanda herbiy tik uchar chüshüp ketti
afghanistanning ghor wilayitide bir herbiy tik uchar ayropilan derya qirghiqigha chüshüp ketti.