xitayda 1 kündila 177 neper tor jinayetchisi nazaretke élindi

türkiye awazi radiyosi xewiri: xitayda tor jinayetchilirige qarshi élip bérilghan tutqun qilish herikitide 177 kishi nazaretke élindi.

xitay dölet bixeterlik ministirliqi teripidin élan qilinghan bayanatta, gumandarlaning qanunsiz yollar bilen 10 milyon yüen (yeni 1 milyon 520 ming dollar) nep ündürgenliki we ularni qolgha chüshürüsh üchün texminen 4 ay dawamlashqan razwétka netijiside, tutqun qilish herikiti élip bérilghanliqi bildürüldi.

paytext béyjing, xébiy, jyangsu, jéjyang we jyangshi qatarliq ölkilerde teng birla waqitta élip bérilghan herikette ,177 neper tor jinayetchisi nazaretke élindi.

heriket jeryanida yene, banka kartuchkiliri, yanfonlar, abont kartuchkiliri we kompiyutérlar musadire qilindi.

xitay dölet bixeterlik ministirliqi xelqqe chaqiriq élan qilip, tehdit sélip pul telep qilidighan télfonlargha diqqet qilishi kéreklikini we bu xil weqeler yüz bergen haman saqchilargha melum qilishi lazimliqini telep qildi.