hindistanda kala etkeschisi qattiq dumbalandi

türkiye awazi radiyosi xewiri: yerlik metbuatlarning xewiride, rajistan ölkiside saqchilarning 8 kala bésilghan bir yük aptomobili bilen sayahet qiliwatqan 4 kishini tekshürüsh ponkitida toxtatmaqchi bolghanliqi, biraq saqchilarning tosaqlirini bösüp qachmaqchi bolghan etkeschilerning yolda yéza xelqi teripidin tosuwélinghanliqi bildürüldi. 

aptomobildiki 3 kishi qéchip kétip, birsini yéza xelqi tutuwaldi we ghezeplengen xelq ammisi teripidin bolushgha dumbalandi.

saqchilar derhal weqege ariliship, uni xelqning qolidin qutquzup nazaretke aldi.

weqe xewer qilinghandin kéyin, rayonda ziyarette boluwatqan hindistan xelq partiyesining parlamént ezasi giyan déw ahuja xelqqe xitab qilip: «kalilar bizning animizdur. eger kala etkeschiliki qilidighan bolsingiz, kalilarni boghuzlap öltürgen bolisiz» dédi. 

aprildimu yéngi déhli - jiyapur yolida kala yötkigenliki üchün bir kishi xelq ammisi teripidin urup öltürülgen idi.